ABŞ-da polis süni intellektin üz tanıma vasitələrinə arxalanaraq həbslər həyata keçirib.

Valyuta.az xəbər verir ki, süni intellektin göstərişi ilə polis tərəfindən yanlış yerdə saxlanılan şəxslərin hamısı qaradərili olub. Onların arasında səkkizaylıq hamilə olan Porça Vudruff bu səbəbdən polisləri məhkəməyə verməyə hazırlaşır. 

O, fevral ayında uşaqlarını məktəbə göndərəcəyi gün qapıya gələn Detroit polisi tərəfindən evindən aparıldığını deyib. “New York Times”a danışan xanım həbsdə qaldığı zaman avtomobil oğurluğu və oğurluqda günahlandırıldığını, hamiləliyinin son dövrünə çatdığı üçün polis idarəsində ağrılar keçirdiyini, ancaq bir neçə saat gözləməli olduğunu bildirib. Sonda Vudruffun bu cinayətləri törətmədiyi və polis agentliyinin istifadə etdiyi üz tanıma proqramının onu başqası ilə səhv saldığı müəyyənləşib. 

Məhkəmə sənədlərinə görə, Vudruffun qanunsuz həbsi Detroit polisinə yanacaqdoldurma məntəqəsinin silahla qarət edildiyi barədə məlumat verildikdən sonra baş verib. Polis hadisədə iştirak edən qadının görüntülərini tapdıqda şübhəlinin üzünü “DataWorks Plus” adlı üz tanıma vasitəsinə yükləyib. Proqram axtarışı tamamladıqdan sonra Vudruffun adını verib. Üstəlik, onun sistemdə qeydiyyatda olan şəklinin hələ səkkiz yaşında çəkildiyi və süni intellektin məhz bu fotodan istifadə etdiyi anlaşılıb. 

Elmir