Ukrayna Bolqarıstanla Xmelnitski AES- in üçüncü və dördüncü bloklarının yerlərində quraşdırılması planlaşdırılan iki atom enerji blokunun alınması ilə bağlı danışıqların uğurla başa çatacağına ümid edir.

Valyuta.az xəbər verir ki, bu barədə “İnterfaks-Ukrayna” yazıb.

“Bu, bizim üçün çox vacib məsələdir. Hazırda Energetika Nazirliyi bunun üzərində işləyir. Hər iki ölkənin nazirlikləri arasında belə danışıqların aparılması Bolqarıstan parlamentinin qərarı idi. Danışıqlar davam edir. Nəticə haqqında danışmaq hələ tezdir, lakin ümid edirik ki, belə olacaq”, - “Energoatom” şirkətinin prezidenti Petr Kotin bildirib. 

"Biz razılaşdığımız şərtlərlə alacağıq", - NAEK prezidenti deyib.

Onun sözlərinə görə, iki reaktorun quraşdırılması Ukraynanın enerji sisteminə demək olar ki, 2200 MVt əlavə edəcək.

“Üçüncü enerji blokunun tikiləcəyi yer çox yaxşı vəziyyətdədir. Biz onu təmir edirik. Dördüncü enerji blokunun sahəsi daha aşağı hazırlıq mərhələsindədir, biz onu sıfırdan qaldıracağıq", - Kotin hazırkı vəziyyəti izah edib.

O, həmçinin bildirib ki, Amerikanın “Westinghouse” şirkəti ilə XAES-də beşinci və altıncı blokların tikintisi üzrə əməkdaşlıq davam edir.

“İndi biz texniki-iqtisadi əsaslandırma hazırlayırıq. Yeni enerji bloklarının tikintisi ilə bağlı üç qanun hazırlanır”.

Nicat