“Valideynlər yaşadıqları ərazi üzrə ən yaxın bağçaya üz tutmalıdırlar”.

Bunu Valyuta.az-a açıqlamasında təhsil eksperti Elçin Əfəndi uşaq bağçalarına elektron qəbul zamanı boş yer seçimi üçün əsas prinsiplərlərdən danışarkən deyib. O bildirib ki, dövlət başçısının müvafiq sərəncamı əsasında bağçalar 2021-ci ildən Elm və Təhsil Nazirliyinin balansına verilib:

“2022-ci yanvar ayından artıq nazirlik bu istiqamətdə işlər görür. Elektron qaydada qəbul həyata keçirir, əvvəl bu qayda yox idi, körtəbi şəkildə aparılırdı. Hazırda məktəbəqədər hazırlıq müəssisələrində rəhbərlərinin işə qəbul imtahanları keçirilir. Əvvəl kim harda gəldi qəbul aparırdısa, artıq bu vahid sistem əsasında həyata keçirilir. Eyni zamanda həmin təhsil pilləsində çalışan tərbiyyəçi müəllimlər də mərkəzləşmiş qaydada imtahan əsasında işə qəbul olunacaqlar. Burada artıq müəyyən bir inkişaf var. Bu da əvvəl gördüyümüz neqativ halların müəyyən qədər qarşısını alacaq”.

Elçin Əfəndi uşaq bağçalarına elektron qəbulun başladığını vurğulayıb:

“Bu mərhələdə konkret olaraq əsas tələblərdən biri yaşadığı ərazi üzrə bağçaların seçilməsidir. Uşaq mütləq olaraq ərazi üzrə yaşamalıdır. Özü ərazidə yaşamırsa, hər hansı bir qohumu orda yaşamlıdır və yaxud da ailə üzvlərdindən birinin bacı-qardaşı orada təhsil almalıdır. Müəyyən kriteriyalar var ki, onlar ödənildiyi halda həmin bağçalara seçim etmək imkanı verilir”.

Aylin