Nəşr edilən yeni hesabatda dünyanın aparıcı elektrik avtomobilləri istehsalçısı “Tesla”nın məsafələri çox şişirtdiyi ortaya çıxıb. 

Valyuta.az xəbər verir ki, illərdir məsafə qiymətləndirilmə proqramlarında avtomobillərinin potensial sürmə məsafəsinin şirkət tərəfindən şişirdildiyi məlum olub. “Tesla”nın məsafəölçən proqram təminatı dizaynı ilə tanış olan bir mənbə marketinq məqsədləri üçün hazırlanmış yanlış məlumatı izah edib. İzahda bildirildiyinə görə, şirkət sürücülərin tam doldurulmuş akkumulyatorla qət edə biləcəkləri məsafənin təxminlərini göstərən alqoritmlər yazmaq qərarına gəlib. Ancaq, batareyanın gücü 50 faizdən aşağı düşdükdə, alqoritm sürücülərə qalan məsafə ilə bağlı daha real təxminlər göstərməyə başlayıb.

Reuters-in xəbərinə görə, bu marketinq yanaşmasının təşəbbüskarı “Tesla”nın sahibi İlon Mask olub. Mənbə açıqlamasında, “İlon akkumlyator tam doldurulduqda daha yaxşı rəqəmlər göstərmək istədi. Çünki alıcılar tam dolu batareya ilə 350-400 mil (560-640 km) məsafə göstərən bir avtomobil alanda özünü yaxşı hiss edir” - sözlərini deyib.

“Tesla” əvvəllər də səhv diapazon təxminləri verərdiyi üçün cərimələnib. Cənubi Koreya tənzimləyiciləri bu ilin əvvəlində “Tesla”nı cərimələyib. Buna səbəb 2019-cu ilin avqustundan 2022-ci ilin dekabrına qədər “Tesla”nın vebsaytında yanlış məsafə göstərdiyi və bunu reklam etdiyi üçün 2,1 milyon dollar məbləğində cərimələnib. Koreya Ədalətli Ticarət Komissiyası, həmçinin, “Tesla” avtomobillərinin soyuq havalarda şirkətin iddia etdiyi diapazonun 50,5%-ni itirdiyini göstərən testləri də ortaya çıxarıb.

ABŞ-da “Tesla” indiyə qədər tənzimləyici cərimələrdən yayınıb. Lakin 2020-ci ildən bəri ABŞ Ətraf Mühitin Mühafizəsi Agentliyi (EPA) şirkətdən avtomobil reklamında istifadə etmək istədiyi diapazonu orta hesabla üç faiz azaltmağı tələb edib. 

Elmir