Futbol hakimliyi məhkəmə hakimliyindən daha çətindir desək, bəlkə də yalan olmaz. Təsəvvür edin futbol hakimisiniz və meydanda olan 22 nəfəri nəzarətdə saxlamalısınız. 100 metrlik meydanın bu başında olarkən, digər tərəfində yol verilən qayda pozuntusundan bir neçə saniyə sonra və ya elə həmin anda, özü də ədalətli şəkildə qərar çıxarmalısınız. Onu da nəzərə almalısınız ki, çıxaracağınız istənilən qərar hansısa tərəfin narazılıqlarına səbəb olacaq. Günahkar olsalar belə… 

Bununla yanaşı, diqqətiniz həm də ehtiyat oyunçular skamyasında və məşqçilərin yer aldığı texniki zonada olmalıdır. Düzdür, meydanın kənarında olan laynsmanlar, həmçinin son illər futbola gətirilən VAR sisteminin və müxtəlif texnologiyaların sayəsində hakimlərin işi nisbətən yüngülləşir. Ancaq bir çox çətin situasiyalarda qərar vermək məhz baş hakimin öhdəsinə düşür. Bəs çəkdikləri əziyyətin qarşılığında Azərbaycanda oyunlara təyinat alan hakimlər, hakim-inspektorlar, AFFA nümayəndələri və VAR hakimləri nə qədər qonorar alır?

Valyuta.az Azərbaycanda futbol hakimlərinin idarə etdikləri oyunlara görə qazandığı qonorarın məbləğini araşdırıb. Beləliklə…

Premyer Liqa

Baş hakim - 650 manat
Yan xətt hakimi - 400 manat
Ehtiyat (dördüncü) hakim - 250 manat
Hakim-inspektor - 300 manat
AFFA nümayəndəsi - 300 manat
VAR hakimi - 400 manat
AVAR hakimi - 250 manat

Azərbaycan Kuboku

Baş hakim - 650 manat
Yan xətt hakimi - 400 manat
Ehtiyat (dördüncü) hakim - 250 manat
Hakim-inspektor - 300 manat
AFFA nümayəndəsi - 300 manat
VAR hakimi - 400 manat
AVAR hakimi - 250 manat

Əvəzedicilər Liqası

Baş hakim - 300 manat
Yan xətt hakimi - 200 manat
Ehtiyat (dördüncü) hakim - 120 manat
Hakim-inspektor - 200 manat
AFFA nümayəndəsi - 200 manat

Birinci Liqa

Baş hakim - 300 manat
Yan xətt hakimi - 200 manat
Ehtiyat (dördüncü) hakim - 120 manat
Hakim-inspektor - 200 manat
AFFA nümayəndəsi - 200 manat

Rəqəmlər rəsmidir və Azərbaycanda yarışların keçirilməsinə cavabdeh olan Peşəkar Futbol Liqası tərəfindən təsdiqlənib.

Elmir