“Kişi sürücülərimizdə yol hərəkəti qaydalarını bilərəkdən pozma, xanım sürücülərdə isə bilməyərək və ehtiyatsızlıqdan pozma halları üstünlük təşkil edir”. 

Bunu Valyuta.az-a açıqlamasında sabiq polis polkovniki Mahmud Hacıyev Azərbaycanda qadın, yoxsa kişi sürücülərin yol hərəkəti qaydalarına daha çox əməl edib-etmədiyi barədə suala cavabında deyib:

“Azərbaycanda kişi sürücülərlə müqayisədə qadın sürücülərimizdə səriştəsizlik daha çoxdur. Qadınlar manevr edəndə özlərini daha çox itirir. Onlar sükan arxasında olanda bunu asan hiss etmək olur. Adi bir halda qadın sürücülər özlərini itirir, düzgün idarə edə bilmirlər. Bu da psixologiya ilə əlaqədardır. Çünki qadın psixologiyası ilə kişi psixologiyası bir deyil. Xanım sürücülərimizə bir qədər qorxaqlıq, ürkəklik, özünü tez itirmək xasdır. Kişi sürücülərdə yol hərəkəti qaydalarını bilərəkdən pozma halları daha çox üstünlük təşkil edir. Xanım sürücülərdə isə bilməyərəkdən, ehtiyatsızlıqdan pozma halları çoxdur”. 

Ramiz