2023-cü ilin ilk 5 ayında Çin avtomobil istehsalçıları Rusiyaya dünyanın hər yerindən daha çox avtomobil ixrac edərək, Ukraynanın işğalı səbəbindən Rusiya bazarını tərk edən qlobal istehsalçıların boşluğunu doldurublar.

Valyuta.az xəbər verir ki, bu barədə "Bloomberg" agentliyi Çin Avtomobil İstehsalçıları Assosiasiyasının çərşənbə axşamı açıqladığı gömrük məlumatlarına istinadən məlumat yayıb.

Çin yanvardan may ayına qədər Rusiyaya təxminən 287 000 hazır avtomobil ixrac edib ki, bu da 159 000 avtomobil qəbul edən növbəti ən böyük ixracatçı və keçən ilin ən yaxşı istiqaməti olan Meksikanı təxminən iki dəfə ötüb. Rusiya Federasiyası və Meksikadan sonra üçüncü yerdə Belçikadır (120 min avtomobil).

2022-ci il ərzində Çin Rusiyaya təxminən 162 min avtomobil ixrac edib.

"Chery", "Geely" və "Great Wall" Rusiyada ilk üç Çin brendidir və bu ilin birinci yarısında yeni avtomobil satışlarının üçdə birini təşkil edir.

Populyar modellərə "Chery's Tiggo 7 Pro", "Geely's Coolray" və "Great Wall"ın "Haval" seriyası kimi idman avtomobilləri daxildir.

Bloomberg xatırladır ki, Ukrayna Rusiyada biznes fəaliyyətini davam etdirən şirkətlərin daxil olduğu müharibə sponsorları siyahısına "Geely" və "Great Wall"ı daxil edib.

"Toyota" və "Volkswagen" kimi dünyanın ən böyük avtomobil istehsalçıları, eləcə də Apple-dan McDonald's-a qədər şirkətlər Rusiyanın Ukraynaya ötən ilin fevralında başlayan işğalına görə başlayan iqtisadi sanksiyaların tətbiqindən sonra Rusiyanı tərk ediblər.

Nicat