NASA-nın insanabənzər astronavt robotu "Valkri" sınaq üçün Avstraliyaya göndərilib.

Valyuta.az xəbər verir ki, NASA "Artemida" layihəsi çərçivəsində yaxın illərdə Aya insanlı missiya təşkil etmək üçün çalışır. Missiya çərçivəsində robotlardan faydalanmaq istəyən kosmik mərkəz insanabənzər astronavt "Valkiri"ni sınaq üçün Avstraliyaya göndərib.

Robot agentliyin "Artemida", həmçinin digər kosmik missiyaları zamanı istifadə olunması və insan astronavtlarına kömək etmsi üçün nəzərdə tutulub. Sınaqlar çərçivəsində robotun dənizdəki elektrik stansiyalarına pilotsuz və uzaqdan texniki xidmət göstərmək imkanları yoxlanılacaq.

Robotun həyata keçirəcəyi fəaliyyətlərdən bəzilərinə yeni məhsullar istehsal etmək üçün resurslardan, materiallardan istifadə edən infrastruktur və obyektlərin yoxlanılması, həmçinin saxlanması daxildir.

Elmir