23 yanvar 1556-cı il bəşəriyyət üçün ən faciəli gün olub. Həmin gün güclü zəlzələ Çinin Şensi şəhərinin 930 min sakininin həyatına son qoyub.

Valyuta.az xəbər verir ki, bu barədə Science Alert-in tədqiqatçısı və baş direktoru "Fiona McDonald" yazıb.

Bir çox hesaba görə, MacDonald yazır, bəşər tarixində ən ölümcül gün əslində təbii fəlakətin nəticəsi olub. 

Zəlzələ cəmi bir neçə saniyə davam edib, lakin birbaşa olaraq 100.000 insanın ölümünə səbəb olduğu təxmin edilir, sonrakı sürüşmələr, çökmələr və yanğınlar isə təxminən 830.000 insanın həyatına son qoyub.

Zəlzələnin maqnitudasının 8-8,3 bal arasında olduğu ehtimal edilir. Bundan qabaq planet daha güclü tektonik hərəkətlərə şahid olsa da, Şensi relyefinin xüsusiyyətlərinə, eləcə də inkişaf xüsusiyyətlərinə görə Huaxian, Weinan və Huaying şəhərlərinin sakinlərinin əksəriyyəti ölüb.

Hadisənin episentri Vey çayının Löss yaylasından keçən vadisinə düşüb. Bu, Qobi səhrasının lil yataqları və tozlarından əmələ gələn unikal ərazidir.

Löss yaylası indi də müntəzəm güclü sürüşmələrlə məşhurdur. 16-cı əsrdə bir çox yerli sakin yaodunlarda - qayaya oyulmuş mağaralarda yaşayırdı. Təbii ki, kataklizm ilk növbədə bu strukturları məhv etmişdi.

Çin sivilizasiyasının beşiyi sayılan əyalət üçün həmin faciənin miqyasını qiymətləndirmək mümkün deyil.

Makdonald qeyd edir ki, bəşəriyyət tarixində dünya müharibələri kimi daha ölümcül hadisələr olub. Ancaq bir gündə qurbanların sayını hesablasanız, şübhəsiz lider Şensidəki zəlzələ olacaq.

Nicat