Koronavirus pandemiyasının bitməsi ilə gəlirləri artan texnologiya şirkətləri bu gün də sürətlə dəyər qazanmağa davam edir.

Valyuta.az xəbər verir ki, ABŞ-ın ən çox izlənilən üç fond bazarı indeksindən biri "Nasdaq"da texnologiya indeksləri ilin ilk altı ayında 32 faiz artaraq 1983-cü ildən bəri ən yüksək səviyyəyə çatıb.

Bu uğurun texnologiya şirkətlərinin qlobal iqtisadi problemlərə görə minlərlə işçisi ilə yollarını ayırdığı bir vaxta təsadüf etməsi diqqət çəkib. Keçən il ağır zərbə alan "Meta" və "Tesla", 2023-cü ildə iki dəfədən çox dəyər qazanıb. "Google"un əsas şirkəti "Alphabet"in gəlirləri 2022-ci ildə 39 faiz azalsa da, sonradan 36 faiz yüksəlməyi bacarıb.

2023-cü ilin əvvəlindən diqqət çəkməyə başlayan süni intellekt isə texnologiya dünyasına həyat verir deyə bilərik. Süni intellekt çipləri istehsal edən 30 illik şirkət olan "Nvidia"nın isə səhmləri ilin əvvəlindən 190 faiz artaraq bir trilyon dolları ötüb.

Elmir