ZTE kompaniyası "Nubia" brendi altında yeni smartfonunu təqdim edib - "Nubia Neo 5G". 

Valyuta.az "GizChina"ya istinadən xəbər verir ki, yeni smartfon rəqiblərin adi modellərindən xeyli ucuz olsa da, oyun qurğusu kimi hazırlanıb.

Yenilik ilk növbədə arxa qapağın qeyri-adi dizaynı, həmçinin smartfonlarda hələ də rast gəlinməyən çox nadir "Unisoc T820" prosessoru ilə seçilir. Bu, daha bahalı oyun smartfonlarından - "Qualcomm" və "MediaTek"dən nəzərəçarpacaq dərəcədə aşağı olsa da, bu günə qədər "Unisoc"un ən güclüsüdür.

Qurğunun oyun xarakteri təkcə dizaynla deyil, həm də oyunlar üçün lazım olan komponentlərlə ifadə olunur: cihaz 120 Hz displey və virtual operativ yaddaş funksiyasına malik 8 GB operativ yaddaşla təchiz edilib. Çoxqatlı istilik aradan qaldırılması sistemi də var.

Digər parametrlərə gəlincə, "Neo 5G 22" vatt doldurma, 256 GB yaddaş və ikiqat 50 meqapiksellik kamera ilə 4500 mAh batareya ilə təhciz edib. Barmaq izi skaneri güc düyməsinə quraşdırılıb. Daxili dinamiklər DTS: X Ultra səs effektləri ilə tamamlanır.

"Neo 5G"nin fərqli xüsusiyyəti qiymətdır - Taylandda onu cəmi 199 dollara almaq olar. Hələ "AliExpress"də yoxdur, lakin bu, yalnız vaxt məsələsidir.

Paşa Məmmədli