“Azərbaycanda qiymətli kağızlar bazarı normal fəaliyyət göstərsəydi, banklarla rəqabət, əmanətlərə verilən faizlər də yüksək olardı".

Bu sözləri Valyuta.az-a Liberal İqtisadçılar Mərkəzinin sədri Akif Nəsirli qiymətli kağızlar bazarı haqqında danışarkən deyib.

İqtisadçı bildirib ki, Azərbaycanda qiymətli kağızlar bazarı işləmir:

“Ölkədə banklara əmanətlərin yerləşdirilməsinə daha çox insanın ehtiyacı var. İnkişaf etmiş ölkələrdə insanlar vəsaitlərinin böyük əksəriyyətini qiymətli kağızlara yatırım edir və divident götürür”. 

Akif Nəsirli bildirib ki, Azərbaycanda qiymətli kağızlar bazarı hələ formalaşmayıb:

“Bu bazar formalaşmadığına görə banklarda əmanət yerləşdirməyə daha çox adamın ehtiyacı var, lakin burada başqa bir məsələ etibar etməkdir. İnsanların banklara etibarı olmadığı üçün faiz dərəcləri aşağıdır. Bir misal çəkim, 2020-2021-ci illərdə Amerikada pandemiya dövründə qiymətli kağızlar bazarı canlandı. Həmin vaxt araşdırma apararaq müəyyənləşdirdilər ki, dövlət vətəndaşlara yardım verir. Vətəndaşların da həmin yardımları pandemiya dönəmində xərcləməyə başqa istiqamət olmadığı üçün, ehtiyyat kimi qalan hissəsini qiymətli kağızlar bazarına yönəldərək, qazanc əldə edirlər".

Davud