Tokio polisi qabaqcıl texnologiyaları oğurlamaqda şübhəli bilinən Tokio Milli Sənaye Elmləri və Texnologiyaları İnstitutunda tədqiqatçı işləyən Çin vətəndaşını həbs edib.

Valyura.az bu barədə NHK telekanalına istinadən xəbər verir.

Polis 2018-ci ildə 59 yaşlı Quan Henqdaonun könüllü olaraq Çin şirkətlərindən birinə flüor birləşmələri üzərində apardığı tədqiqatların nəticələri ilə bağlı texnoloji məlumatları elektron poçtla göndərməsindən şübhələnir.

Polis şübhəlinin günahını etiraf edib-etmədiyini açıqlamasa da, NHK-nın hüquq-mühafizə orqanlarındakı həmsöhbətləri iddia edirlər ki, Quan 2002-ci ildən Yaponiya institutunda çalışıb, həm də Çinin ixtisaslaşmış universitetlərindən birində professor vəzifəsində fəaliyyət göstərib və hətta ona rəhbərlik edib.

Hüquq-mühafizə orqanları Tokiodakı bir institutdan Quanın Çində və Yapon institutunda eyni vaxtda işləməsi ilə bağlı qaydalara əməl etmədiyinə dair hesabatları araşdırdıqları başqa bir işdə həssas məlumatların sızmasından şübhələnirdilər.

Polis bildirir ki, sızma sintetik flüor birləşmələri texnologiyasından izolyasiya qazının istehsalı və transformatorlarda və digər cihazlarda istifadəsi ilə bağlı tədqiqatların nəticələri ilə bağlıdır. Alimlər hesab edirlər ki, bu, planetimizdə iqlim dəyişikliyi ilə mübarizə aparmağa kömək edəcək texnologiyalardan biridir.

Paşa Məmmədli