Avropa İttifaqı bir neçə Avropa hökumətinin sanksiyalar tətbiq etməsinə və Çin korporasiyasının telekommunikasiya şəbəkələrinə çıxışını qadağan etməsinə baxmayaraq, Horizon Europe tədqiqat və inkişaf proqramı üçün yeni nəsil 5G kommunikasiya texnologiyalarının inkişafı üçün Huawei-yə maliyyə ayırıb. 

Valyuta.az xəbər verir ki, bu barədə "Financial Times" qəzeti yazır.

FT-nin məlumatına görə, Huawei 11 layihədə iştirak edir və 3,89 milyon avro məbləğində maliyyənin 14%-ə qədərini alıb. Şirkət Aİ-yə tədqiqatlar üçün avadanlıq və süni intellekt platformaları tədarük edir.

“Bu, etibar etmədiyiniz birini gizli ofislərinizə dəvət etmək kimi bir şeydir. Bu, Avropanın təhlükəsizliyi və Aİ-nin müstəqillik planı üçün riskli ola bilər”, – Danimarkanın Strand Consult konsaltinq firmasının təsisçisi Con Strand bildirib.
Portuqaliya AB daxilində Huawei-nin öz ərazisində əsas 5G şəbəkəsinin qurulmasına mane olmağı düşünən sonuncu ölkə olub.

"Bu əməkdaşlıq göstərir ki, Avropa tezliklə Huawei-dən imtina edə bilməyəcək", - LightCounting bazar araşdırması firmasının baş analitiki Stefan Teral deyib.

Bununla belə, iyunun əvvəlində Avropa İttifaqı 5G sahəsində təhlükə yaradan texnologiyalardan istifadəyə qadağa qoymağı planlaşdırırdı. Bu cür inkişafların siyahısına Huawei texnologiyaları da daxildir.

2020-ci ildə Brüssel Huawei kimi xarici avadanlıq satıcılarının Aİ daxilində 5G şəbəkələrinin qurulması üçün təchizat zəncirlərindən kənarda saxlanmasını tövsiyə edib.

Nicat