İqtisadiyyat Nazirliyi yanında Dövlət Vergi Xidməti Bakı şəhər Kiçik Sahibkarlıqla İş üzrə Baş İdarəsi tərəfindən keçirilən tender müsabiqəsinin qalibi məlum olub. 

Yeniavaz.com açıqlanan rəsmi məlumata istinadən bildirir ki, tender müsabiqəsinin qalibi Ağazadə Rəşad Fərhad oğlu (VÖEN- 1802244792) olub. 

Baş İdarə Ağazadə Rəşad Fərhad oğlundan Sabunçu rayonu, Nazim İsmayılov küçəsi 82 A ünvanında yerləşən  qeyri-yaşayış sahəsini icarəyə götürəcək. İcarəyə götürüləcək ofisin ümumi sahəsi 149,4 kv. metr olacaq və bunun üçün Rəşad Ağazadəyə 12 aylıq icarə haqqı olaraq 42 min manat ödəniləcək. Rəqəmlərdən də göründüyü kimi, Dövlət Vergi Xidməti icarəyə götürdüyü ofis sahəsinə hər ay 3 min 500 manat ödəyəcək.