Dövlət Turizm Agentliyi yanında “Şahdağ Turizm Mərkəzi” QSC mövsümə yeni sədrin idarəetməsi ilə başlayır.

Valyuta.Az banker.az-a istinadla xəbər verir ki, Rüstəm Nəcəfov Azər oğlu “Şahdağ Turizm Mərkəzi”nin İdarə Heyətinə yeni sədri təyin edilib.

R.Nəcəfov bir müddət “Şahdağ Turizm Mərkəzi”nin sədri kimi çalışıb. 2016-cı il mart- 2018 dekabr aylarında dövlət kapitallı şirkətə sədirlik etsə də, həmin tarixdən sonra Bakı Şəhər İcra Hakimiyyətində departament müdri, 2021-ci ilin iyununda isə “Agroarco”da rəhbər təyin edilmişdi.

O, bu vəzifədə Kamran Kazımov Oqtay oğlunu əvəz edib. K.Kazımov 2021-ci ilin avqustunda sədr müavini kimi təyin edilmişdi və həmin tarixdən sədr vəzifəsini müvəqqəti icra edirdi. 2022-ci ilin martınan isə Kazımovun sədr kimi vəzifəsinə başlamışdı.

R.Nəcəfovun turizm mərkəzinə rəhbər təyin edilməsindən sonra, K.Kazımov sədrin müavini vəzifəsinə təyin edilib.

O, 2009-cu ildən “Şahdağ Turizm Mərkəzi”nə təyinatınadək ölkədə fəaliyyət göstərən bır sıra hotellərdə müxtəlif vəzifələrdə çalışıb.

Mərkəzin İdarə Heyətinin sədr müavini vəzifəsini 2021-ci ilin aprelindən Mingəçevir Turizm Kollecinin sabiq direktoru Səid Salayev icra edirdi. S.Salayev 2018-ci ilin sonunda sədr vəzifəsinə təyin olunmuş Almaniya vətəndaşı Rodderix Mark Leffleri əvəz edib.

Xatırladaq ki, “Şahdağ Turizm Mərkəzi” 2015-ci ildə yaradılıb. Onun nizamnamə kapitalı 546.78 milyon manatdır. Şahdağ milli parkının yaxınlığında salınmış kompleks Azərbaycanda ilk və ən böyük dağ-xizək kurortudur.