Bu ilin yanvar ayında Azərbaycan iqtisadiyyatına xaricdən 296,1 mln. manat məbləğində investisiya yatırılıb.

Valyuta.az-ın Azərbaycan Statistika Komitəsinə istinadən verdiyi məlumata görə, bu məbləğ ötən ilin yanvar ayı ilə müqayisədə 14,5% azalıb. Xaricdən gələn investisiyalar əsas kapitala yönələn sərmayələrin 45%-ini təşkil edib.

Qeyd edək ki, xaricdən əsas kapitala yönəldilmiş vəsaitin 292,3 mln. manatı (98,7%-i) Böyük Britaniya, ABŞ, Yaponiya, İsveçrə, Türkiyə, Norveç, Malayziya, Hindistan, Rusiya və İran sərmayədarlarına məxsus olub.