2021-ci ilin 9 ayı (yanvar-sentyabr) ərzində Azərbaycan Maliyyə Nazirliyi dövlət istiqrazlarının yerləşdirilməsi yolu ilə 1 milyard 326 milyon 489 min 176 manat cəlb edib. Bu, 1,3 milyard manat nəzərdə tutulan 2021-ci il üzrə daxili dövlət borclanmasının yuxarı həddindən çoxdur.

Bu barədə Valyuta.az-a Bakı Fond Birjasından məlumat verilib.

Bildirilir ki, 2020-ci ilin eyni dövrü ilə müqayisədə cəlb edilən vəsaitin məbləği 1,9 dəfə və ya 615 milyon 98 min 950 manat artıb. 

Qeyd edək ki, 2020-ci ilin yanvar-sentyabr dövründə 711 milyon 390 min 226 manatlıq dövlət istiqrazları yerləşdirilmişdi.

Dövlət istiqrazları ilə təkrar bazarın həcmi isə ötən ilin 9 ayında 383 milyon 203 min manat ikən, bu ilin 9 ayında 745 milyon 1567 min manat təşkil edib.

Ömər Vəzirli