"Bakı Metropoliteni" QSC bu ilin sonuna qədər 17 vaqonunu balansından silərək utilizasiyaya göndərəcək.

Valyuta.az Report.az-a istinadən xəbər verir ki, bu barədə sorğuya cavab olaraq qurumdan bildirilib.

"Bu, 3 qatar və 2 vaqon deməkdir. Vaqonlar istismar müddətini başa vurması ilə əlaqədar müvafiq tələblərə uyğun olaraq balansdan silinəcək", - deyə məlumatda qeyd olunub.

Xatırladaq ki, metro vaqonlarının orta istismar müddəti 31 ildir. Onlar köhnəldikcə yeniləri ilə əvəz olunur. Hazırda Bakı metrosunun parkında 19 yeni qatar (85 yeni vaqon) mövcuddur.