Bu ilin yanvar-may aylarında Azərbaycan xarici ölkələrə 86,999 mln. ABŞ dollar dəyərində 76 037,68 ton tomat ixrac edib.

Bu barədə Valyuta.az-a Dövlət Gömrük Komitəsindən bildirilib. 

Belə ki, ixrac edilən tomatın həcmi ötən il ilə müqayisədə 27,5% azalıb. Dəyər ifadəsində isə xaricə göndərilən tomatların məbləği 29,3% azalıb.

Qeyd edək ki, bu il pomidor ixracının ümumi ixracdakı payı 1,17%, qeyri-neft ixracındakı payı isə 9,59% təşkil edib. Bu ötən il ilə müqayisədə müvafiq olaraq 0,6 faiz bəndi və 7,47 faiz bəndi azdır. İxrac olunan pomidorun bir kiloqramı ortalama 1,14 dollara (1,94 manat) bərabər olub.