“Sentyabr aylarında Azərbaycanda müxtəlif sektorlarda fəaliyyət göstərən qadın sahibkarların sərgisi nəzərdə tutulur”.

Valyuta.az xəbər verir ki, bu sözləri Karvannews.com-a açıqlamasında “Karvan-L" MMC-nin icraçı direktoru Rəna Qəfərova bildirib.

“Bu sərgi qadın sahibkarlar üçün post-pandemiya dövründə fürsətdir. Artıq 2 ilə yaxındır ki, bir neçə şirkətlər fəaliyyət göstərə bilmədiklərinə görə bazardan çıxıblar. Öz aktuallıqlarını itirib və PR işləri dayanıb. Bunları nəzərə alaraq qadınlara dəstək üçün belə bir sərgi planlaşdırırıq ki, ölkədə fəaliyyət göstərən yüzə yaxın qadın sahibkarların şirkətlərinin məhsullarının xidməti göstərilsin. Bu sərgidə Azərbaycanda fəaliyyət gösətərən xarici şirkətlərin və xarici vətəndaşların iştirakı da gözlənilir”.

Qeyd edək ki, sərginin Bakının aparıcı otellərinin birində keçiriləcəyi gözlənilir.