Azərbaycanın idxal etdiyi məhsullar arasında çəki ifadəsində birinci yeri buğda, dəyər ifadəsində isə maşın, mexanizm, elektrik aparatları, avadanlıqlar və onların hissələri tutub.

Valyuta.Az Dövlət Gömrük Komitəsinə istinadən xəbər verir ki, bu ilin yanvar-aprel ayları ərzində ölkəyə 365,3 min ton buğda idxal olunub ki, onun dəyəri 93 milyon dollara yaxın olub.

Xaricə ən çox valuta isə maşın, mexanizm, elektrik aparatları, avadanlıqlar və onların hissələrinin alınması üçün çıxarılıb.

Belə ki, idxal məhsulları arasında önəmli yer tutan maşın, mexanizm, elektrik aparatları, avadanlıqlar və onların hissələri üçün 902,3 milyon dollar xərclənib.