“Sağalanların sayının yoluxanların sayını keçməsi yaxşıdır. Bizə yeni yoluxma yox, testlərin daxilində pozitiv nəticələrin payı maraqlıdır”.

Valyuta.az Report.az-a istinadən xəbər verir ki, bu fikirləri Tibbi Ərazi Bölmələrini İdarəetmə Birliyinin (TƏBİB) Xəstəliklərin profilaktikası və kontrolu departamentinin müdiri Yaqut Qarayeva Nazirlər Kabineti yanında Operativ Qərargahın bugünkü brifinqində çıxışı zamanı deyib.

O bildirib ki, yeni yoluxmalar daha çox ötən ilin noybr-dekabr aylarında olub:

“Yoluxmaların sayında mərhələli şəkildə enmə müşahidə olunur. Yoluxma əmsalı 10 %-ə yaxınlaşır. Hazırda Azərbaycanda epidemioloji vəziyyət nəzarət altında saxlanlır. 30-59 yaş arası insanlarda yoluxma halları çox olur və bu göstərici həmişə eyni olub”.