Bu ilin birinci rübündə “Twitter” şirkətinin gəliri ötən ilin eyni dövrü ilə müqayisədə 28% artaraq 1,04 milyard ABŞ dollarına çatıb.

Valyuta.az Report.az-a istinadən xəbər verir ki, bu barədə şirkətin maliyyə direktoru Ned Seqal məlumat verib.

Onun sözlərinə görə, “Twitter”in reklam gəlirləri keçən ilin eyni dövrü ilə müqayisədə 32,3% artaraq 889 milyon ABŞ dolları olub.

Şirkətin gözləntilərinə görə, “Twitter”in ikinci rübdəki ümumi gəliri 980 milyon ABŞ dollarından 1,08 milyard ABŞ dollarına çatacaq.