Məktəbəqədər və ibtidai təhsilin yaxşılaşdırılması məqsədilə hazırda ölkəmizin 50 şəhər və rayonunda 466 mərkəzdə 9373 uşağı əhatə edən 500 icma əsaslı məktəbəqədər təhsil qrupu fəaliyyət göstərir. 

Valyuta.az xəbər verir ki, bu barədə Təhsil naziri Emin Əmrullayev məlumat verib.

Nazir, bu icma əsaslı qruplarda ümumilikdə 486 nəfər müəllimin çalışdığını bildirib.  

Onun sözlərinə görə, layihə çərçivəsində valideynləri övladlarının 5 yaşına qədərki dövrünə dair müxtəlif mövzularda maarifləndirmək üçün “ilk 5 il” platforması yaradılıb. 

Nazir, layihənin Heydər Əliyev Fondunun, Avropa İttifaqının və UNİCEF-in dəstəyi ilə Təhsil İnstitutu tərəfindən həyata keçirildiyini qeyd edib.