Cari ilin yanvar-fevral aylarında Ədliyyə Nazirliyinin rayon (şəhər) qeydiyyat şöbələri tərəfindən 5672 nikah və 2417 boşanma halları qeydə alınıb.

Valyuta.az Dövlət Statistika Komitəsinin yaydığı hesabata istinadən xəbər verir ki, ötən ilin müvafiq dövründə isə 8151 nikah və 2841 boşanma hadisəsi baş verib.

Bu da onu göstərir ki, bir il ərzində nikah sayında 2479 və ya 70 faiz, boşanmaların sayında isə 424 və ya 88,2 faiz azalma baş verib

Cari ilin iki ayı ərzində əhalinin hər 1000 nəfərinə nikahların sayı 3,5, boşanmaların sayı isə 1,5 olub. Ötən ilin müvafiq dövründə isə bu rəqəm nika sayı üzrə 5,0, boşanma sayı üzrə isə 1,7 təşkil edib.