Bu ilin yanvar-mart aylarında kompüter, elektron və optik məhsulların, elektrik avadanlıqlarının istehsalı sahələrində 50,2 milyon manatlıq məhsul istehsal olunub.

Dövlət Statistika Komitəsindən Valyuta.az-a verilən məlumata görə, əvvəlki ilin yanvar-mart ayları ilə müqayisədə kompüter, elektron və optik məhsulların istehsalı 2,5 dəfə, elektrik avadanlıqlarının istehsalı isə 14,1 faiz artıb.

Dövr ərzində əvvəlki ilin yanvar-mart ayları ilə müqayisədə stolüstü kompüterlərin istehsalı 29,4 dəfə, mayelərin məsrəfi və ya səviyyəsinin ölçülməsi, yoxlanması üçün cihazların istehsalı 2,0 dəfə, 1000 V-dək gərginlik üçün hesablanmış elektrik cərəyanı naqillərinin istehsalı isə 52,1 faiz artıb.