Avropa Mərkəzi Bankının son toplantı protokolu EURO/USD və GBP/USD məzənnələrində bahalaşmalara səbəb olub.

Valyuta.az xəbər verir ki, protokolda istiqraz alış proqramının sürətinin yenidən dayandırılacağı və ABŞ-ın əmək bazarına dair iqtisadi göstəricilər mənfi hal kimi göstərilib. 

Lakin Avrozona ilə müqayisədə ABŞ-da koronavirus böhranı ilə bağlı maddi və sosial mübarizənin daha irəlidə olması da investorların nəzərə alacağı qədər önəmlidir. Bu baxımdan da EURO/USD və GBP/USD məzənnələrində bahalaşma korrektiv qiymətləndirilir və yenidən ucuzlaşmağa başlayacaqları proqnozlaşdırılır. 

Eyni tendensiya USD/JPY məzənnəsində də müşahidə edilsə də, USD/TRY məzənnəsi fonunda treyderlər gələn həftə açıqlanacaq Türkiyə Mərkəzi Bankının faiz qərarını gözləyirlər. 

Əlvan metallar bazarında da qızılın qiyməti müqavimətlə rastlaşıb. Burada isə ucuzlaşmanın trend deyil, müvəqqəti xarakter daşıyacağı ehtimal edilir, yəni 1 757 dollar müqavimətinin qırılması an məsələsi ola bilər. 

Kriptovalyuta birjalarında da mənzərə fərqlidir. Belə ki, bitkoinin bahalaşması dollar ilə müsbət korrelasiya yaratmaq üzrədir. Son gün ərzində bahalaşan BTC/USD məzənnəsi hazırda 58 350 dollara təklif edilir və bunun gələcək trend üçün qırılması önəmli müqavimət səviyyəsindədir.