2021-ci ildə Azərbaycanda 2,3%, 2022-ci ildə isə 1,7% iqtisadi artım gözlənir.

Valyuta.az Report.az-a istinadən xəbər verir ki, bu proqnozla Beynəlxalq Valyuta Fondu (IMF) “Global Economic Outlook” hesabatının aprel buraxılışında çıxış edib.

Qeyd olunub ki, ötən il Azərbaycan iqtisadiyyatı 4,3% azalıb.

Bundan başqa, bu il Azərbaycanda illik inflyasiya 3,5%, gələn il isə 3,2% olacaq. Ötən il bu göstərici 2,8% olub.

IMF həmçinin 2021-ci ildə Azərbaycanda işsizlik səviyyəsinin azalacağını proqnozlaşdırır. 

2020-ci ildə 6,5% təşkil etmiş sözügedən göstəricinin bu il 5,8%, gələn il isə 5,7% olacağı gözlənilir.