Hazırda Azərbaycanda 8 milyondan çox internet istifadəçisi var. Onların çox hissəsi uşaqlar, yeniyetmələr və gənclərdir. 

Valyuta.az xəbər verir ki, bu sözləri AMEA-nın İnformasiya Texnologiyaları İnstitutunun şöbə müdiri Rasim Mahmudov ElmTV-yə müsahibəsində deyib. 

Onun fikrincə, uşaqların internet təhlükəsizliyi mövzusunda həm valideynlər, həm də uşaqlar düzgün istiqamətləndirilməlidir.

“Lakin xüsusilə qeyd etməliyik ki, bu sahədə ən böyük məsuliyyət valideynlərin, eyni zamanda internet xidməti provayderləri, təhsil qurumları və s. üzərinə düşür.

Sürətli və sərhədsiz əlçatanlıq sayəsində həyatı əhəmiyyətli dərəcədə asanlaşdıran internet, uşaqlar üçün həm əyləncə, həm də tədris vasitəsi olsa da, burada onlar üçün bəzi təhlükələr də mövcuddur”.