“Microsoft” şirkəti ilə ABŞ arasında 120 min ədəd “HoloLens” əsaslı hərbi təzhizatın satışı ilə bağlı müqavilə bağlanılıb.

Valyuta.az xəbər verir ki, sözügedən müqavilə ilə şirkət 10 ildə təxminən 21,88 milyard dollar gəlir əldə edəcək. 

“HoloLens” əsaslı bu avadanlıqlar əsgərləri  yüksək keyfiyyətli pikseldə görüntü, gecə və termal kameralar və xüsusi sensorlarla təmin edəcək. Bu avadanlıqların ilk dəfə ABŞ əsgərlərinin təlimində istifadə ediləcəyi gözlənilir. 

Rəsmi Pentaqondan verilən məlumatda qeyd olunur ki, bu cihazlar vasitəsiylə hərbçilər artıq xüsusi təlim yerləri və poliqonlar olmadan belə, təlim keçə biləcək və bununla da  ümumi döyüş qabiliyyətləri artacaq.

Kamran Xəlil