2020-ci ildə ölkədə koronavirus (COVİD-19) pandemiyası ilə əlaqədar ilin əksər aylarında sərt karantin rejimi tətbiq olunması, aparılan yoxlamaların sayına da mənfi təsir göstərib.

Azərbaycan Qida Təhlükəsizliyi Agentliyindən Valyuta.az-a verilən məlumata görə buna baxmayaraq, hər hansı bir qanun pozuntusu aşkarlanmış yoxlamaların sayına heç bir maneə yaratmayıb. 

2019-cu illə müqayisədə 2020-ci ildə uyğunsuzluq aşkar edilən yoxlamaların payı 22% azalıb. Bu isə qida biznesi subyektlərinin qida təhlükəsizliyi sahəsindəki qanunvericiliyin tələblərinə riayət etməsində irəliləyiş oduğunu deməyə əsas verir.  Bu indikator üzrə qida təhlükəsizliyi vəziyyəti 22% müsbət istiqamətdə dəyişib.

2020-ci ildə ümumi təhlükəsizlik göstəriciləri üzrə laborator nəticələrində uyğunsuzluq aşkarlanan qida məhsullarının payı 2019-cu illə müqayisədə daha yuxarı olub. Bu isə qida təhlükəsizliyi vəziyyətinin 67% mənfiyə doğru dəyişdiyini göstərir.