Bu il dünya bazarlarında ərzaq məhsullarının qiymətləri yüksək səviyyədə olaraq qalacaq.

Bu barədə RİA "Novosti" Qara Dəniz Ticarət və İnkişaf Bankının (QDTİB) analitiki Arçil İmanişviliyə istinadən yazır.

Ekspert bildirib ki, bu məhsulların və enerji daşıyıcılarının bahalaşması artıq əksər ölkələrdə yüksək inflyasiyaya səbəb olub. İmanişvili xatırladıb ki, BVF bu il beynəlxalq bazarlarda bu malların mülayim qiymətlərini proqnozlaşdırır.

"Bu o deməkdir ki, onlar bütün ölkələrdə artmayacaq. Lakin keçən ilki qiymət artımı inflyasiyaya təsirini davam etdirəcək, ona görə də 2022-ci ildə ərzaq qiymətləri yüksək olaraq qalacaq", - analitik bildirib.

Ötən il dünyada buğda, şəkər, yağ, ət və bir çox digər əsas ərzaq məhsulları 35-50% bahalaşıb.

Analitik qeyd edib ki, ötən ilin əvvəlindən hətta inkişaf etmiş ölkələrdə də istehlak qiymətləri yüksək templə artıb. QDTİB-ə üzv ölkələr (Rusiyanın, Azərbaycan, Albaniya, Ermənistan, Bolqarıstan, Yunanıstan, Gürcüstan, Moldova, Rumıniya, Türkiyə və Ukrayna) istisna deyildi. Lakin səviyyə və səbəblər, onun fikrincə, nəzərə çarpacaq dərəcədə fərqlənir.

Qara dəniz regionu ölkələri arasında ən yüksək inflyasiya Türkiyədə qeydə alınıb – 36%. Ekspertlərin fikrincə, bu, sərbəst pul siyasəti ilə bağlıdır.

Əksər ölkələrdə bu, hətta ikirəqəmli göstəricini də keçib. Ən aşağı inflyasiya isə Albaniyada olub – 4%.//APA