"Vətəndaşı ancaq ucuz səyahət maraqlandırır, vəssalam. Təyyarənin pilotu kimdir və kimə məxsusdur? Bu vətəndaşı qəti maraqlandırmır. Onu narahat edən ödədiyi qiymətə uyğun xidmətin yaxşı və ucuz olmasıdır”.

Bunu Valyuta.az-a açıqlamasında iqtisadçı ekspert Xalid Kərimli Gürcüstanın “Georgian Wings” aviadaşıyıcısının Bakıya uçuş xidmətlərinin təşkil olunmasından danışarkən deyib. Ekspert hesab edir ki, vətəndaş 23 kq baqajı özü ilə daşımaq istəmirsə, onun qiymətini də ödəməli deyil:

“Məsələn, yükümü ayağımın altına atıb gedəcəm. Vətəndaşı seçim imkanlarının çox olması maraqlandırır. Nəzərə alaq ki, AZAL həmişə büdcədən dotasiya alan qurum olub. Həmişə də ziyanla işləyib".

Ekspert qeyd edib ki, yeni aviaşirkətlərin uçuş xəttinə buraxılması ölkədə turizm imkanlarını yaxşılaşdıracaq:

“Əgər ölkəyə giriş çətindirsə, turist necə gələcək? Ölkəyə gəliş birbaşa və rahat olmalıdır, vətəndaşlar daha rahat uçuş imkanları ilə təmin edilməlidir. Bu addım həm böyük investisiya qoyulan aviaşirkətlərin yaxşı işləməsinə gətirib çıxarda bilər. Həm də imkan verəcək ki, AZAL qiymət rəqabətini daha sərt hiss etsin, AZAL da qiymətlərini, məhsul və xidmətlərini onlara uyğunlaşdırsın”.

Xalid Kərimlinin fikirincə, ölkəyə daha çox aviaşirkətlərin daxil olması həm AZAL-ın inkişafı üçün, həm də vətəndaşlar üçün faydalıdır:

“AZAL qiymətləri endirmir. Bunu görən vətəndaşların da seçim imkanları çoxalacaq, məcburiyyət qarşısında qalmayacaq. Büdcəsinə uyğun gələn aviaşirkətin xidmətindən istifadə edəcək”.

Qeyd edək ki, bu gündən Gürcüstanın “Georgian Wings” aviadaşıyıcısı həftədə 3 dəfə olmaqla Bakıya uçuşu təşkil olunur. Bundan əlavə “IndiGo” (Hindistan), “Aegean Airlines” (Yunanıstan) və “Air Arabia Abu-Dhabi” (BƏƏ) aviaşirkətləri də Bakıya uçuşları həyata keçiriləcək.

Aylin