"Bu yolun çəkilib istifadəyə verilməsi Qarabağda yaşayan ermənilərin Ermənistana gediş-gəlişini asanlaşdıracaq, 30 ildir məcburi köçkün düşmüş insanlar isə Laçının mərkəzinə qayıda biləcəklər".

Valyuta.az xəbər verir ki, bu sözləri İTV-də yayımlanan "Qarabağ gündəliyi" verilişində qonaq olan millət vəkili Mahir Abbaszadə bildirib.

"Verilən məlumatlardan belə aydın olur ki, biz yayda yeni alternativ yolun açılışını qeyd edəcəyik və şəhər mərkəzi da boşaldılaraq laçınlıların istifadəsinə veriləcək",-deyə deputat əlavə edib.