12:44

Rəqəmsal İnkişaf və Nəqliyyat naziri Rəşad Nəbiyev Bakıda 4 yük maşınının Heydər Əliyev prospektində yolu bağlaması ilə bağlı təcili iclas keçirib.

Qaynarinfo-nun əldə etdiyi məlumata görə, iclasda nazirliyin yanında fəaliyyət gösətərən Dövlət Avtomobil Nəqliyyatı Xidmətinin (DANX) İdarə Heyətinin sədri Anar Rzayev və bir sıra rəhbər şəxslər iştirak ediblər.

Nazir baş verən hadisə ilə bağlı araşdırma qrupu yaradıb. Yaxın saatlarda Rəqəmsal İnkişaf və Nəqliyyat Nazirliyinin olayla bağlı rəsmi açıqlaması olacaq.

Əldə etdiyimiz digər məlumata görə, Rəşad Nəbiyev baş verən hadisəyə görə DANX-ın sədri Anar Rzayevə xəbərdarlıq edib, qurumun daşımaların tənzimlənməsi şöbəsinin müdiri Malik Lətif oğlu Əliyevi isə vəzifəsindən uzaqlaşdırıb.

Məsələ ilə bağlı Rəqəmsal İnkişaf və Nəqliyyat Nazirliyindən Qaynarinfo-ya bildirilib ki, yaxın saatlarda baş verən hadisə ilə bağlı açıqlama veriləcək.

13:48 

Dövlət Avtomobil Nəqliyyatı Xidmətindən (DANX) Qaynarinfo-ya bildirilib ki, baş verən hadisəyə görə, qurumun daşımaların tənzimlənməsi şöbəsinin müdiri Malik Lətif oğlu Əliyev vəzifəsindən uzaqlaşdırılmayıb.
 
Nazirlik hadisə ilə bağlı ayrıca geniş açıqlama yayaraq, sürücülərin etirazına münasibət bildirib. Nazirliyin mövqeyin görə, etirazçı sürüclərin təmsil olunduğu "R Group Azerbaijan” MMC şirkəti dəfələrlə beynəlxaql qaydaları pozduğuna görə, Azərbaycan Beynəlxalq Avtomobil Daşıyıcıları Assosiasiyası (ABADA) üzvlüyündən çıxarılıb. 

Daha ətraflı bu linkdə tanış ola bilərsiniz.

AYNA-nın sədri Anar Rzayev