Fransanın paytaxtı Paris "Euromonitor International"ın ən son 100 City Destinations Index (100 Şəhər İstiqamət İndeksi) hesabatına əsasən, ardıcıl dördüncü dəfə dünyanın ən məşhur turistik yerləri siyahısına başçılıq edir.

Valyuta.az lent.az-a istinadən xəbər verir ki, reytinqdə şəhərlər iqtisadi səmərəlilik, turizm infrastrukturu, sağlamlıq və təhlükəsizlik, davamlılıq və turistləri cəlb etmək siyasəti daxil olmaqla altı əsas parametr üzrə qiymətləndirilib.

Arşdırmanın müəllifləri qeyd ediblər ki, Paris inamla lider titulunu qoruyub, ikinci və üçüncü yerləri müvafiq olaraq Madrid və Tokio tutub. İlk beşliyə Roma və Milan da daxil olub. İlk onluqda Avropa şəhərləri üstünlük təşkil edir ki, bu da regionda güclü turizm infrastrukturu ilə izah olunur.

2024-cü ildə ən populyar 10 turizm şəhəri:

1. Paris (Fransa)

2. Madrid (İspaniya)

3. Tokio (Yaponiya)

4. Roma (İtaliya)

5. Milan (İtaliya)

6. Nyu-York (ABŞ)

7. Amsterdam (Hollandiya)

8. Sidney (Avstraliya)

9. Sinqapur

10. Barselona (İspaniya)

Bununla belə, 2024-cü ildə ən çox ziyarət edilən şəhər 32 milyondan çox turist qəbul edən Banqkok (Tailand) olub ki, bu da 2023-cü illə müqayisədə 37 faiz çoxdur. Onu 23 milyon ziyarətçi (+14 faiz) ilə İstanbul (Türkiyə), 21,7 milyon insanı (+7 faiz) cəlb etməklə ilk üçlüyü London (Böyük Britaniya) qapayır.

2024-cü ildə dünyanın ən çox ziyarət edilən 10 şəhəri:

1. Banqkok (Tailand)

2. İstanbul (Türkiyə)

3. London (Böyük Britaniya)

4. Honq-Konq (Çin)

5. Məkkə (Səudiyyə Ərəbistanı)

6. Antalya (Türkiyə)

7. Dubay (Birləşmiş Ərəb Əmirlikləri

8. Makao (Çin)

9. Paris (Fransa)

10. Kuala -Lumpur (Malayziya)

Banqkok və İstanbulda turizmin böyüməsi beynəlxalq turizmin uğurlu bərpası, eləcə də səyahətçiləri cəlb etmək üçün fəal siyasətlə bağlıdır. Avropa istiqamətləri yüksək populyarlıqlarına baxmayaraq, turistlərin sayına görə aşağıdır, lakin davamlılığı və inkişaf etmiş infrastrukturuna görə lider olaraq qalır.