“Youtube” bu gün bu qədər gəlir əldə edir. Deyirlər ki, siz onu illər əvvəl 2,6 milyard dollara satmısız. İndi “Netflix”in dəyərinə baxsaq, milyardlarla dollar qazanırlar. Deyirlər ki, belə dövrdə “Youtube”u “Google”a satdığınıza heyfislənirsinizmi?”

Bunu bunu Bakıda keçirilən dördüncü “INMerge” Innovasiya Sammitində çıxışı zamanı “YouTube”un həmtəsisçisi Stiv Chen deyib.

S.Chen deyib ki, “Google”un köməyi olmadan “Youtube” bu səviyyədə olmazdı: “Biz o vaxtlar pul itirirdik. “Youtube”un gəlirli olmasına illər lazım oldu. “Google” alandan sonra səbirlə onu inkişaf etdirməyə başladı, uzun illər “Youtube”dan pul qazana bilmədi. Bu səbəbdən, “Google”a satmağıma heyfislənmirəm. İnsanlar bir şeyi başa düşmür ki, hamını xoşbəxt etmək nə qədər çətin məsələdir. İnsanlar “Youtube”dan istifadə edir, hamı həzz alır. 3-4 yaşlı uşaqlar da “Youtube”a baxır, 80 yaşlı insanlar da. İnsanlar youtuber olmaq istəyirlər”.

S.Chen bildirdi ki, satış qərarı o qədər də asan verilməyib: “O vaxt “Youtube”un 56 nəfər işçisi var idi. Əksəriyyəti “Paypal”dan “Youtube”a gəlmişdi. Deməli, “Paypal”ı “E-bay” almışdı, ona görə işdən çıxanlar çox oldu. Şirkətin qaymaqları işdən ayrılmışdı və biz onları işə dəvət etmişdik. İşçilər o şirkətin satılmasına qarşı idilər. Biz o kadrları işə dəvət etmişdik. Ona görə, satmaq məsələsində biz də tərəddüd edirdik. O təklif gələndə, 5 gün müzakirə etdik. Dedik işçiləri işdən çıxaracaqlar və s. “Google” hər gün yemək göndərməyə başladı. Pulsuz kofe, nahar və s. Yəni yeməklə bir növ başımızı aldatmağa başladılar (Gülür). Amma o, artıq siqnalı verirdi ki, biz şirkəti əldə etməyə çalışırıq. “Paypal”ın “Ebay”a satışından narazı olan qrup indi “Youtube”u “Google”a satmağa tərəddüd edirdi. Biz fikirləşirdik ki, “Youtube”dan necə pul qazanaq? Uzunmüddətli perspektiv üçün bunu düşünürdük. Bunu nəzərə alaraq sonunda satmaq qərarı verildi”.