Ağa Mehdiyevin budəfəki ekoloji sülh səfəri Finlandiya, İsveç, Norveçin bir sıra ərazilərini əhatə edəcək. O, bundan öncə velosiped vasitəsilə Estoniyadan İspaniyaya qədər məsafəni qışda təkbaşına səfər etmişdi. 

Belə layihələr vasitəsi ilə Ağa bir sıra mövzulara diqqət çəkmək istəyir.

1. Sülh mesajı - Onun fikrincə, biz insanları hər şeydən öncə birləşdirən ən ali dəyər məhz insanlığımız, yaradılışımızdır. Digərlərinə münasibətdə arı kimi olmaq lazımdır. Arı müxtəlif yerlərdən uçaraq ən gözəl çiçəklərdən nektar yığır. Gəlin insanlarda daha çox gözəllikləri görək, səhvlərinə isə yardım olaq.

2. Uşaqların öldürülməsi - Hazırda müharibə və konfliktlərdən xüsusən uşaqlar çox böyük zərər görür. Harada kimin etməsindən asılı olmayaraq bütün ruhumla belə zülmlərə, cinayətlərə qarşıyam.

3. Ekoloji problemlər - Ekologiyanın önəmi yalnız tərəvəzlərin becərilməsi üçün lazım deyil. Təbiət, şəxsiyyətlər formalaşdıran, bəşəriyyətin gələcəyinin zəmanəti olan ali bir prosesdir. 

Ağa hazırda Turku şəhəri yaxınlığındadır. Adətən meşələrdə, şanslı olduğu halda fin ailələrin evlərində qalır.

Onun bildirdiyinə görə finlər ona qarşı çox mehribandır. Cənab Kurinin və ailəsinin ona yer və qidalar verməsi, gözəl rəftarları Ağanın sülh, insanlıq hədəfinə daha da çox inanmağına səbəb olmaqdadır.

O duş qəbul etmək, təbiəti daha yaxından hiss etmək üçün adətən göl və çaylarda üzür. 

Ağa səfərinə Helsinkidən başlayan gün "Helsinki Düşüncə Mərkəzində" "Sülh Qurmaq" tədbirinə qatılıb. Orada səfəri və hədəfləri barədə danışıb. Bu, təlimçilərin böyük maraq və alqışına səbəb olub.

Ümumən Ağa uzun illərdir, sülh, sevgi, tolrantlıq, könüllü lahiyələr reallaşdırmaqdadır.

2015-ci ilin yanvarında, 22 yaşında, dostu ilə Kilsənin qarşısını qar və buzdan təmizləməsi o zaman çox böyük marağa səbəb olmuşdu, niyyəti inanclı xristianların Kilsəyə raha gediş-gəlişini təmin etmək idi.

Ağa 40 dan çox ölkəyə, 300 yaxın şəhərə səfərlər edib. Şəxsi inkişaf, doğru ünsiyyət, satış üzrə beynəlxalq təlimçidir.

2023-cu ildə Türkiyədə zəlzələ zamanı könüllü iştirak edib. Hazırda isə Skandinaviya səfəri vasitəsi ilə insanları yenidən önəmli mövzular ətrafında düşündürməkdədir.