Bu il “Qızıl top”u "Real Madrid"in cinah oyunçusu Vinisius Junior qazanacaq. Bu barədə “Marca” məlumat yayıb. Oyunçu Parisdə keçiriləcək mərasimdə “France Football”dan mükafat alacağını artıq bilir.

Bəs futbolçulara verilən qızıl topun qiyməti nə qədərdir?

Valyuta.az xəbər verir ki, “France Football” jurnalının uzun illərdir təşkil etdiyi mükafatlandırma mərasimi 2024-cü ildə 68-ci dəfə sahibini tapacaq. 

Hazırkı “Qızıl top” kubokunun hündürlüyü 28 sm, diametri isə 22 sm-dir. Çəkisi 12 kq olan “Ballon d'Or” mükafatının formalaşdırılması üçün iki naxışlı mis lövhədən istifadə edilir.

Qiyməti 3 000 avrodan bir qədər çox olan mükafat sferik təsvirin formasını vermək üçün muma bənzər materialla doldurulmuş kürə dizaynındadır.

Bundan əlavə, "France Football" loqosu və qalibin adı zərif qızılı ilə mükafata həkk olunur.

Əvəz Həsənov