“Oracle” korporasiyasının rəhbəri Larri Ellison 206,5 milyard dollar sərvəti ilə Ceff Bezosu (202,9 dollar) qabaqlayaraq planetin ən varlı insanları siyahısında ikinci yeri tutub. Ceff Bezos isə üçüncü yerdə qərarlaşıb.

Valyuta.az xəbər verir ki, bu barədə “Forbes” jurnalının yeni reytinq cədvəlində bildirilib.

Bəs “Oracle”nin qurucusu olan Larri Ellison kimdir?

Texnologiya sahəsinin ən maraqlı adlarından biri olan Larri Ellison 1944-cü il avqustun 17-də Nyu York əyalətinin şimal-şərqində yerləşən Bronksda anadan olub. İllinoys Universitetinə getməzdən əvvəl Çikaqodakı South Side Liseyində oxuyan Ellison, kollecin ikinci ilində təhsilini yarımçıq qoyub. Ancaq bu gediş təhsildən qəti bir fasilə olmadı. Məktəbi tərk etməyi çox məntiqli bir seçim kimi görməyən Ellison daha sonra yenidən Çikaqo Universitetinə müraciət etdi. Lakin müəyyən müddətdən sonra yenidən tərk etdi.

1966-cı ildə 22 yaşında olan və enerjisini yönləndirmək üçün daim müəyyən layihələrdə iştirak edən Ellison, Silikon Vadisi yaxınlığında, Kaliforniyanın Berkli şəhərinə köçdü. Çikaqodan Kaliforniyaya səyahətini həyatında mühüm yer tutacağını düşünürdü.

Üç dostun qurduğu şirkət ilk dəfə "Oracle" adı ilə qurulmayıb

“Wells Fargo” və “Amdahl” kimi şirkətlər də daxil olmaqla, bir çox işlərdə çalışan Ellison bu prosesdə kompüter və proqramlaşdırma bacarıqlarını öyrəndi. Demək olar ki, Ellisonun dönüş nöqtəsi MKİ üçün verilənlər bazası yazmağa başladığı vaxtdır. O, 1977-ci ildə Bob Miner və Ed Oates ilə Proqram İnkişafı Laboratoriyalarını qurdu. 1977-ci ildə 2 min dollar məhdud büdcə ilə üç dost tərəfindən qurulan bu şirkət 5 il sonra adını dəyişərək “Oracle” oldu. 3 dost əvvəlcə bu işi dövlətə satmaq istədilər, lakin layihələrinin inkişaf etdiyini və çoxlu müraciətlər aldığını gördükdə bu proqram təminatı işlərinin sayını artırdılar.

Ellison və onun həmkarları IBM kompüter tədqiqatçıları Edgar F. Codd-un verilənlər bazasından ilham aldılar. Proqram təminatı sahəsində inkişafını davam etdirən “Oracle” 1986-cı ildə 55 milyon dollar gəlir əldə etdiyini bildirdi. Bu böyük çıxışdan sonra “Oracle” bəzi səhvlərə yol verdi və 400 nəfəri işdən çıxarmalı oldu və bunu "inanılmaz bir iş səhvi" olaraq xarakterizə etdi. 1992-ci ildə Ellison öz şirkətini yenilədi və “Oracle7” verilənlər bazasından istifadə etməyə başladı.

Larri Ellison hobbiləri üçün çoxlu pul xərcləməyi sevən və bu mövzuda heç bir məhdudiyyəti olmayan bir insan idi. Digər brendlərlə rəqabət aparmağı sevən Larri Ellisonun yaxta yarışları da daxil olmaqla bir çox hobbisi var idi. 1999-cu ildə “Oracle” üzvü Marc Benioff “Salesforce.com” adlı yeni biznesə başlamaq üçün “Oracle”dan ayrıldı. Ellison dostunun yeni müəssisəsinə 2 milyon dollar sərmayə qoyub. 

2009-cu ildə Oracle 1982-ci ildə server şirkəti kimi qurulan “Sun Microsystems”i satın aldı. Bu alış “Oracle”a məşhur “MySQL” verilənlər bazasına nəzarət də daxil olmaqla bir çox əsas texnologiyalar verdi. 2010-cu ildə Mark Hurd və Safra Catz kimi etibarlı adlara mühüm vəzifələr verən Ellisonun xərcləri azaltmaq niyyəti yox idi. 2012-ci ildə o, bütün Havay adasının Lanai adasını 300 milyon dollara alıb.

O, 2014-cü ildə baş direktor vəzifəsini təhvil verib

Larri Ellison bundan əvvəl dörd dəfə boşanıb. 2014-cü ildə Ellison baş direktor vəzifəsini şirkətdə mühüm vəzifələr verdiyi Hurd və Katz-a təhvil verdi. Bu transfer zamanı Ellison dünyanın beşinci ən zəngin adamı tituluna sahib idi. 2014-cü ildə şirkətin baş direktoru vəzifəsini tərk edən Ellison idarə heyətinin sədri vəzifəsini davam etdirir.

Bu illərdən sonra ən populyar olan bulud texnologiyasına sürətli keçid edə bilməyən “Oracle” müştərilərinin bir qismini “Amazon Veb Xidmətləri”nə itirdi.

Əvəz Həsənov