İşəgötürənlərin iş üçün müraciət edən namizədlərin sosial media hesablarına baxaraq işə uyğunluğunu qiymətləndirməyə yanaşması gündən-günə daha çox əhəmiyyət kəsb edir.

Xüsusi ilə iş dünyası tərəfindən daha ciddi qəbul edilən sosial şəbəkə hesablarındakı müsbət biyoqrafiya namizədləri digərlərindən öndə tutur.

Valyuta.az xəbər verir ki, Gilda&Partners Consulting sosial media profillərinin iş dünyasında işə qəbul proseslərinə təsiri haqqında maraqlı nəticələr açıqlayıb.

Araşdırmalara görə, işəgötürənlərin 48%-i namizədlərin sosial media profillərini işə uyğunluğu üçün ətraflı şəkildə araşdırdıqlarını bildirir. Sosial media profillərinin iş müraciətlərinə təsiri artarkən, işəgötürənlərin 70%-i namizədlərin sosial media hesablarının ilk təəssürat yaratdığını düşünür. Peşəkar və mütəşəkkil sosial media profili işə qəbul zamanı namizədlərə müsbət təəssürat yaratmağa kömək edə bilər.

Diqqət çəkən digər məsələ isə sosial şəbəkələrdə yazılanların şəxsi xüsusiyyətlər və mədəni harmoniya baxımından qiymətləndirilməsidir. İşəgötürənlərin 57%-i namizədlərin sosial media hesablarını araşdıraraq xarakter analizi və mədəni uyğunluq qiymətləndirməsi apardıqlarını bildirir. Bununla belə, sosial media profillərində rast gəlinən mənfi məzmunlar isə namizədlər üçün risk yarada bilər. İşəgötürənlərin 34%-i namizədlərin sosial media hesablarındakı mənfi məzmuna görə namizədləri rədd etdiklərini bildirir. 

Sosial media işlədənlərə tövsiyə 

Sosial media peşəkar imicinizi formalaşdıran və iş dünyasında sizin haqqınızda ilk təəssürat yaradan kritik bir platformadır. Sosial media profillərini qiymətləndirərkən işəgötürənlər təkcə səriştələriniz deyil, həm də şəxsi xüsusiyyətlərinizi və uyğunluğunuzu nəzərə alır. Buna görə də sosial media profilinizi diqqətlə idarə etmək, iş müraciətlərinizdə həlledici rol oynaya bilər.

Bu tapıntılar işığında iş axtaranların sosial media profillərini peşəkar şəkildə idarə etmələri böyük əhəmiyyət kəsb edir. İşə qəbul zamanı şəxsi yazılarınızı nəzərdən keçirmək, profilinizin məxfiliyini yoxlamaq və ya sosial mediada daha az aktiv olmaq, şəxsi yazılarınızı nəzərdən keçirmək, məxfilik parametrlərinizi yoxlamaq və sosial mediada diqqətli olmaq kimi strategiyalarla mənfi təsirlərdən qaça bilərsiniz iş müraciətlərinizdə fərq yaradın.

Davud