Məzun olduqdan dərhal sonra iş axtarmağa başlamaq bir çox insan üçün çətin prosesdir. Ancaq bu təcrübəni asanlaşdırmaq sizin əlinizdədir. Təcrübəsiz namizəd kimi təcrübəli namizədlərə qarşı şansınızın aşağı olduğu çox vaxt doğrudur. Amma hazırkı rəqibləriniz arasında necə fərqlənə biləcəyinizlə bağlı araşdırma edə bilərsiniz.

Valyuta.az xəbər verir ki, iş dünyasına yeni giriş edən şəxslər əvvəlcə iş dünyası ilə tanış olmalıdırlar. Staj keçmək və ya part-time bir işdə işləmək, iş həyatından xəbərsiz olmadığınız və təcrübəniz olduğunu göstərir. İşəgötürənlərin nəzərində müəyyən müddət ərzində təcrübə keçmiş namizədlərlə təcrübəsi olmayanlar arasında böyük fərq var.

Yaxşı ünsiyyət qurun. Hansı karyera yolunu davam etdirmək istədiyinizdən asılı olmayaraq işə qəbul olmaq üçün güclü yazılı və şifahi ünsiyyət bacarıqlarına ehtiyacınız var. Müsahibədə ən vacib şey özünüzə inamınız, rahatlığınız, səmimiyyətiniz, hörmətiniz və özünüzü insanlara təqdim etmə tərzinizdir.

Rabitə şəbəkələrinizi genişləndirin. Məzunların çoxu tanışları vasitəsilə iş tapırlar. Əlaqə adlarınızın, professorlarınızın, qohumlarınızın və dostlarınızın siyahısını hazırlayın və karyera sərgilərinə getmək, digər peşəkar fəaliyyətlərdə iştirak etməklə onlara əlavə edin. Heç gözləmədiyiniz insanlar heç gözləmədiyiniz qapıları aça bilərlər.

Kompüteri mənimsəmək. Unutmayın ki, biz informasiya əsrindəyik. Sahənizlə bağlı və tələb olunan səviyyədə kompüter proqramlarını öyrənməlisiniz. Müəyyən proqramların istifadəsi indi ən aşağı səviyyədən ən yüksək səviyyəyə qədər bütün vəzifələrdə arzu olunan xüsusiyyətdir.

CV-nizi ən yaxşı şəkildə hazırlayın. Orfoqrafik səhvlərə yol verməyin, aydın və sadə dildə yazın. Qaydalara uyğun, çox uzun olmayan, lakin bütün lazımi məlumatları əhatə edən CV hazırlayın.

Qeydlərinizi göstərin. Qiymətlər potensial işəgötürən üçün vacibdir. Xüsusilə yaxşı nəticələr ilə məzun olmağınız həmişə sizin üçün böyük üstünlükdür. İşəgötürənlər GPA-ya əhəmiyyət verməsələr də, yaxşı bir universiteti yüksək nəticələr ilə bitirmək heç kimin göz ardı edə bilməyəcəyi bir şeydir.

Araşdırma. Müraciət etdiyiniz şirkət haqqında mümkün qədər çox araşdırma aparın. Əgər varsa, veb-saytı nəzərdən keçirin. Sənaye haqqında mümkün qədər çox məlumat toplayın. Müsahibədə deyə biləcəyiniz bir şey olsun.

Nümunələr verin. Sualları cavablandırarkən, məktəbinizdən və ya təcrübə təcrübənizdən nümunələr verin. Qoy sizin müsbət cəhətlərinizi görsünlər.

Nə qədər həyəcanlı olsanız da, müsahibə zamanı gülümsəmək sizin işə həvəsinizi və motivasiyanızı göstərir. Gülməmək işəgötürəndə mənfi təəssürat yaradır, onlar sizin istəksiz olduğunuzu düşünə bilərlər.

Qətiyyətli olun. Təcrübəli olub-olmamağınızdan asılı olmayaraq, ən vacib məqam o işi istəməyiniz və karyera hədəflərinizi beyninizdə müəyyən etmiş olmanızdır. Əgər siz bu işi həqiqətən istədiyinizi sübut edə bilsəniz və şirkəti sizə sərmayə qoymağa inandıra bilsəniz, şansınız daha çox olacaq.

Əvəz Həsənov