Karyeranızın "ən yaxşı" rolunda olduğunuzu necə bilirsiniz? Ən çox bağlı olduğunuz, ən yaxşı performans göstərdiyiniz, ən həvəslə etdiyiniz və karyeranızda ən böyük parıltı və sıçrayışı yaradan iş hansı olub? Hələ bu işi tapmamış olsanız belə, narahat olmaq lazım deyil, karyeranız uzun bir səyahətdir və düzgün strategiya ilə uzun müddətdə istədiyinizə nail ola və potensialınızı reallaşdıra bilərsiniz.

Valyuta.az xəbər verir ki, karyeranızda ən yaxşı yerə gedərkən diqqət etməli olduğunuz üç meyar var:

1.     Bacarıqlar

Bacarıqlar bölməsinə ən yaxşı şəkildə edə biləcəyiniz işləri, eləcə də komandanızda ən yaxşı gördüyünüz işləri daxil edə bilərsiniz. Bu bacarıqlara ünsiyyət bacarıqları, yazı bacarıqları, danışıqlar aparmaq bacarığı, mürəkkəb problemləri sadələşdirmək və həll etmək bacarığı, stress zamanı sakit qalmaq bacarığı və müsbət intellekt bacarıqları (hadisələrə müsbət baxmaq qabiliyyəti) daxildir. Bacarıqlarınızı sıralamaq üçün özünüzə bu sualları verə bilərsiniz.

İnsanlar mənim güclü tərəflərim haqqında danışarkən ilk nələri qeyd edirlər?

Keçmişdə ən çox uğur qazandığım iş və ya rol hansı olub və niyə?

Mən digər insanlardan daha yaxşı nə edə bilərəm?

2.     Həvəs

Bu işdə bacarıqlı olduğumuza və ya yaxşı bacardığımıza görə bir şeyə həvəsli olduğumuzu deyə bilmərik. Həvəs həm də bir işi məmnuniyyətlə yerinə yetirmək, “axın” içində olmaq, o işi edərkən şəxsən yüksəlmək, özünü yaxşı hiss etmək deməkdir. Həvəs və bacarıqlar bir-birindən asılı olmayaraq inkişaf edə bilər. Məsələn, kimsə idmana həvəsli ola bilər, lakin fiziki cəhətdən zəif ola bilər. Bəzi insanlar həvəslərinin anadangəlmə olduğunu, bəziləri isə işi gördükcə həvəslərinin artdığını söyləyə bilər. Həyatımızın bir nöqtəsində əvvəllər çox sevmədiyimizi düşündüyümüz bir şeyə həvəs inkişaf etdirə bilərik. Nədən zövq aldığınızı anlamaq üçün bu sualları verə bilərsiniz:

Etməkdən zövq aldığım şeylər hansılardır?

Nə etmək mənə şəxsi məmnunluq hissi verir?

Hansı iş məni maraqlandıracaq şəkildə mənə enerji verir?

Bəzən hansı işləri görməyi xəyal edirəm?

3.     Təşkilatın ehtiyacı

İşinizin ən yaxşı işiniz olması üçün bacarıqlarınız və həvəsinizin təşkilat tərəfindən qiymətləndirilməli və ehtiyaclara cavab verməlidir. Bu olmadan, bacarıq sizi fərqli qiymətləndirməyə vadar etsə də, istədiyiniz təsirə sahib ola bilməzsiniz.

İşə həvəsiniz yoxdursa və ya aşağıdırsa, cansıxıcı və ya sıxışmış hiss edə bilərsiniz.

Bacarıqlarınız çatışmırsa, rol üçün qeyri-adekvat görünə bilərsiniz.

Təşkilatın buna ehtiyacı yoxdursa, çox bacarıqlı olsanız da, o təşkilatda sizə dəyər verilməyə bilər.

Əvəz Həsənov