![](https://valyuta.az/file/articles/2024/07/09/1720533192_1658317891-1633083579_business-2.jpg)
Uzaqdan işləmək stress səviyyəsini azaldır
Amerikalıların 96 faizi hibrid işin onların psixi sağlamlığı üçün yaxşı olduğunu düşünür.
Valyuta.az lent.az-a istinadən bildirir ki, Amerikanın "FlexJobs" şirkətinin yeni növ koronavirus (Covid-19) epidemiyasından (2020-2022) sonra dəyişən iş şəraiti ilə bağlı keçirdiyi sorğuya görə, amerikalı işçilərin 96 faizi hesab edir ki, hibrid iş onların psixi sağlamlığı üçün faydalıdır.
Onlayn iş imkanları təmin edən "FlexJobs" şirkətinin mütəxəssisləri əməkdaşların uzaqdan işə yanaşmasını araşdıran sorğu keçirib. Anketdə iştirak edən 5600 nəfərin 96 faizi psixi sağlamlıqlarına xeyirli olduğunu əsas gətirərək ofisdə işləmək üçün hibrid işə üstünlük verib.
Hibridlərdə işləmək istəyən 96 faizin 47 faizi distant, 49 faizi həm ofisdən, həm də uzaqdan, cəmi 4 faizi isə yalnız ofisdə işləməyə üstünlük verib.
Fərqli mühitlərdə uzaqdan işləməyin psixi sağlamlıqlarına müsbət təsir göstərdiyini bildirən iştirakçıların 30 faizi uzaqdan işləmənin karyeralarına müsbət təsir etdiyini düşündüklərini söyləyib.
İşçilərin işlərini harada və nə vaxt başa vurduqlarına baxaraq məhsuldarlıq səviyyələrini ölçməklə mütəxəssislər uzaqdan və hibrid işin daha səmərəli olduğu qənaətinə gəliblər.
Mütəxəssislər kəşf ediblər ki, uzaqdan işləməyin insan sağlamlığı üçün ən böyük faydası stress səviyyəsinin azalmasıdır.
Sorğuda müəyyən edilib ki, işə gediş-gəliş arasında yol prosesi işçilərin 87 faizində stressə səbəb olur.
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay