Wellcome Sanger İnstitutunun və London Universitet Kollecinin tədqiqatçıları virusun yayılması yüksək olsa belə, bəzi insanların nə üçün COVID-19- a yoluxmadığını anlamaqda irəliləyişlər əldə ediblər.

Valyuta.az xəbər verir ki, “Nature” jurnalında dərc olunan araşdırma virusla mübarizədə əsas silahın burun toxumalarında olduğunu göstərib.

Bir qrup alim nəzarət olunan şəraitdə 36 sağlam könüllünü SARS-CoV-2-nin pre-alfa ştammı ilə yoluxduraraq unikal təcrübə aparıb. Onların toxumalarında genetik aktivliyin tədqiqi göstərib ki, bəzi iştirakçılar virusun tutulmasına mane olan sürətli və effektiv immun reaksiya inkişaf etdirdilər.

Xüsusilə diqqət çəkən məqam selikli qişa ilə əlaqəli invariant T hüceyrələrinin aktivləşməsi və iltihablı hüceyrələrin azalmasıdır ki, bu da orqanizmə virusu tez və effektiv şəkildə məhv etməyə imkan verir. Qeyd etmək vacibdir ki, bu qoruyucu mexanizmlər hətta peyvənd olunmamış könüllülərdə də müşahidə edilib.

"Bu tədqiqat COVID-19-a qarşı mübarizədə əsas rol oynayan erkən immun reaksiyaları haqqında yeni anlayışlar təqdim edir, - baş tədqiqat müəllifi Marko Nikoliç deyib. - Tapıntılar bu təbii qoruyucu reaksiyaları təqlid etməyə yönəlmiş yeni müalicə və peyvəndlərin inkişafını məlumatlandıra bilər".

Peyvəndlər COVID-19-dan ağır fəsadlar riskini əhəmiyyətli dərəcədə azaltsa da, tədqiqat immun sistemindəki fərdi fərqləri dərk etməyin vacibliyini vurğulayır ki, bu da pandemiyaya və insan sağlamlığına gələcək viral təhlükələrə nəzarət etmək üçün daha yaxşı hədəflənmə səylərinə kömək edə bilər.

Nicat