Biz sərnişinlər üçün uçuşların ən xoş anlarından biri də yemək vaxtıdır. Xüsusən də hava yolları şirkətlərinin bir-birilə rəqabət aparması uçuşda iaşəni çox yüksək səviyyəyə çatdırıb. Bu gün hətta ekonom sinifdə də alternativ yeməklər mövcud olsa da, biznes sinifdə yeməyə uçduğunu deyən sərnişinlərimizin sayı günü-gündən artır.

Alternativ yeməklər təkcə reysdə sərnişinlərə təqdim edilmir. Pilotlara, kabin heyətinə və biznes sinif sərnişinlərinə də müxtəlif yeməklər verilir. Kokpitdə olan pilotlar müxtəlif yeməklərlə qidalanırlar. Pilotlardan biri makaron yeyərkən, digəri toyuq, ya da bir pilot ət yeyərkən, digəri balıq yeyir.

Təyyarənin təhlükəsiz şəkildə uçması və enməsinə cavabdeh olan pilotların yediyi yeməklər də uçuş təhlükəsizliyi üçün çox vacibdir. Bu səbəbdən kapitan pilot, ikinci pilot və təlimatçı və ya əgər varsa, üçüncü pilot eyni vaxtda yemək yeyə bilməz. Aviasiyada hər zaman ən pis ssenariyə qarşı ehtiyat tədbirləri və ya hazırlıq görülür.

Pilotların eyni yeməyi yeməməsinin səbəbi hər hansı xəstəlik və ya qida zəhərlənməsinə qarşı bir qaydadır. Pilotlardan biri zəhərlənərsə, digər pilot öz vəzifəsini yerinə yetirə bilər. Yeməklər uçuşa yüklənmədən əvvəl müxtəlif yoxlamalardan keçsə də, bu, zəhərlənmə riskinə qarşı əlavə tədbirdir.

Pilotlar, yazılı qayda olmasa da, fərqli yemək mədəniyyətləri olan yerlərdə yemək yeyərkən belə, təyyarəyə minəcəklərsə, o halda da fərqli yeməklər yeməyə üstünlük verirlər.

Aviasiyada zəhərlənmə hadisələrindən danışarkən aşağıdakı iki hadisə qeyd olunur:

1. 1980-ci ildə Avstraliyada pilotlar qida zəhərlənməsi səbəbindən eyni vaxtda təyyarəyə nəzarəti itiriblər. Sərnişin huşunu itirən pilotlardan birini oyatdıqdan sonra təyyarə təhlükəsiz yerə enib.

2. 1982-ci ildə Milli Xarici Hava Yollarının Lissabon-Boston reysində 250 sərnişini daşıyan 10 ekipaj üzvündən 8-i pudinqdən zəhərləndi və ikinci pilotun xoşbəxtlikdən uçuşu sağ-salamat tamamladığı üçün bu qayda tətbiq olundu. 

Bu təcrübə riayət edilməli olan beynəlxalq öhdəlik deyil. Ancaq bir çox aviaşirkətlər bu qaydaya əməl edirlər.

Aviasiyada ən vacib söz təhlükəsizlikdir. Sərnişinlərin təhlükəsizliyi üçün müxtəlif vaxtlarda fərqli yeməklər yeyirlər. 

Əvəz Həsənov