Bu il dünyada rekord 2781 milyarder var. Onlardan bəziləri Men adası və ya Uruqvaydakı kiçik Manantiales balıqçı kəndi kimi planetin ucqar guşələrində yaşayırlar. Bununla belə, milyarderlərin əksəriyyəti hələ də meqapolisləri seçməyə üstünlük verirlər.

“Forbes”in 2024-cü il dünyanın ən varlı adamları siyahısına görə, ümumi sərvəti 3 trilyon dollar olan milyarderlərin təxminən dörddə biri altı ölkənin 10 böyük şəhərdən birində yaşayır.

Nyu-York yenidən dünyanın ən zəngin insanlarının ən sevilən məkanına çevrilib – şəhərdə yaşayan 110 milyarderin ümumi sərvəti 694 milyard dollardır. Şəhərin milyarderləri arasında 62 Uoll-Strit və 14 daşınmaz əmlak maqnatı var.

Honkonq və Moskva ikinci yeri bölüşdürürlər. Bu şəhərlərin hər birində 74 milyarder yaşayır. Rusiya paytaxtında milyarderlərin sayının intensiv artımı 2022-ci ildə iqtisadi tənəzzüldən sağalmanın davam edən prosesi ilə əlaqələndirilir. Mumbay da ötən ildən milyarderlərin sayının 13 nəfər artdığını göstərərək reytinqdə 7-ci yerdən 4-cü yerə yüksəlib.

İlk onluqda yerini itirən şəhərlərdən biri də Şençjen olub. Ötən il siyahıda 8-ci yerdə olan Çin şəhərində milyarderlərin sayı 17 nəfər azalıb. Problemli Çinin digər iki məşhur meqapolisi Pekin və Şanxay ilk onluğa daxil olsalar da, daha aşağı yer tutublar.

“Forbes USA” builki reytinqi tərtib edərkən metropoliten əraziyə daxil olan şəhərləri də nəzərə alıb. Yeni metodologiya San-Fransisko və Los-Ancelesə reytinqdə bir neçə pillə irəliləməyə imkan verib, çünki Santa-Monika və Qlendora kimi yaxınlıqdakı yaşayış məntəqələri də nəzərə alınıb.

Milyarderlərin ən çox olduğu 10 şəhər:

1. Nyu-York (110)
2. Honkonq (74)
3. Moskva (74)
4. Mumbai (69)
5. Pekin (63)
6. London (62)
7. Şanxay (54)
8. Los-Anceles (53)
9. Sinqapur (52)
10. San-Fransisko (50)

© Banker.az