Çində yaşlı bir qadın 2,8 milyon dollarlıq sərvətini ev heyvanlarına vermək qərarına gəlib.

Valyuta.az xəbər verir ki, Şanxayda yaşayan Liu adlı qadın övladlarının qocalıqda ona laqeyd qaldığını, ev heyvanlarının isə əksinə, yoldaşlıq və rahatlıq bəxş etdiyini əsas gətirərək vəsiyyətini dəyişib. 

"South China Morning Post"un "Zonglan News"a istinadən verdiyi xəbərə görə, Çində heyvanlara birbaşa vəsiyyətin qarşısını alan hüquqi çətinliklərə görə yerli baytarlıq klinikası mülkün idarəçisi olaraq təyin edilib. Liu bütün mirasını ev heyvanlarına buraxmaq istəsə də bu, Çində qanuni sayılmır. Qadın hətta xəstə olanda belə ona baş çəkmədiyi üçün uşaqlarına əsəbiləşib. Liunun dəqiq yaşı məlum olmadığından xəbərlərdə o, "qoca" qadın kimi xatırlanıb. Xəbərin Çində ailə dinamikası və miras təcrübələri ilə bağlı onlayn müzakirələrə səbəb olduğu bildirilir.

Bunlar sahibləri tərəfindən varlandırılan yeganə ev heyvanları deyil. Əvvəllər sahibləri tərəfindən böyük bir miras qoyulması səbəbi ilə əngin olan başqa ev heyvanları da mövcuddur. Bu cür mirasların hüquqi və praktiki cəhətləri fərqli ola bilər. Otel kraliçası Leona Helmsley 2007-ci ildə vəfat edəndə "Trouble" adlı Malta itinin rifahı üçün etimad fonduna 12 milyon dollar vəsiyyət etdi. Lakin bu miras ictimaiyyətin böyük diqqət və tənqidinə, sonradan isə məhkəmə tərəfindən məbləğin iki milyon dollara endirilməsinə səbəb olmuşdur.

"IV Günter" adlı alman çoban iti dünyanın ən zəngin heyvanlarından biri hesab olunurdu. "Ginnesin Rekordlar Kitabı"na görə, alman qrafinyası Karlotta Libenşteyn vəfat etməzdən əvvəl çoxmilyonluq sərvətini məhz IV Günterə buraxmışdı. Hətta bununla bağlı "Netflix"də "Gunther's Millions" adlı sənədli film də çəkilmişdi.  

2010-cu ildə modelyer Aleksander Makkin 20 milyon dollarlıq mirasının böyük bir hissəsini itlərinə bağışlamışdı. 

Elmir