Amerika Beysbol Liqasında çıxış edən "Los Anceles Dodgers"lə 700 milyon avro qarşılığında 10 illik müqavilə imzalayan Şoe Ohtani maraqlı jestlə gündəmə gəlib.

Valyuta.az xəbər verir ki, Ohtani  17 nömrəli formanı ona verməyə razı olan komanda yoldaşı Co Kellinin həyat yoldaşına "Porsche" avtomobili hədiyyə edib. Co Kellinin həyat yoldaşı Eşli Kelli, yapon beysbolçunun "Los Anceles Dodgers"ə gəlməsi üçün danışıqlar prosesi davam edərkən sosial mediada təbliğat aparırdı. Kelli təbliğat zamanı yapon beysbolçunun kluba gələcəyi təqdirdə 17 nömrəli formanı da geyinə biləcəyini demişdi. 

"Los Angeles Dodgers"in sosial media hesabındakı paylaşımda Ohtaninin Kelliyə "Porsche"ni hədiyyə etdiyi anın videosu da yer alıb. Kadrlarda Kelliyə "Bu sənin üçündür, Şoedən. O, sənə "Porsche" hədiyyə etmək istəyirdi" - sözlərini deyən Ohtaninin hədiyyəsindən sonra qadının avtomobili görəndə xeyli təəccübləndiyi görünür.

Yapon beysbolçu dekabrın 11-də yeni klubu ilə 700 milyon dollar müqabilində 10 illik müqaviləyə imza atıb. Bu peşəkar idman tarixində ən bahalı sözləşmələrdən biri olub. Həmin dönəmdə Co Kelli də komandası ilə səkkiz milyon dollarlıq yeni birillik müqavilə imzalamışdı.

Ohtani son altı ildə 17 nömrəli formada çıxış edib.

Elmir